Գաղտնիության քաղաքականություն

Ընդհանուր

Սույն գաղտնիության քաղաքականությունը հանդիսանում է Հարթակից Օգտվելու Պայմանների բաղկացուցիչ մասը՝ Ձեր և«ՊՐԱԳՄԱՏԻԿՍ» սահմանափակ պատասխանատվությամբ ընկերության (իրավաբանական հասցեն՝ ՀՀ, ք. Երևան, Դեմիրճյան փ., շ. 31, բն. 14) միջև իրավաբանորեն պարտադիր պայմանագիր:

Սույն քաղաքականության մեջ հատուկ չսահմանված, մեծատառով գրված եզրույթներն ունեն Հարթակից Օգտվելու Պայմաններով դրանց տրված նշանակությունը։

Գաղտնիության սույն քաղաքականությունը («Քաղաքականություն») ուղղված է Ձեզ տեղեկացնելուն Մեր քաղաքականության և ընթացակարգերի մասին՝ կապված Ձեզանից ստացվող տվյալների հավաքագրման, օգտագործման և բացահայտման հետ:

Օգտվելով Հարթակից՝ Դուք բացահայտ կերպով և անհետկանչելիորեն համաձայնում եք Մեր կողմից Ձեզնից ստացվող տվյալների մշակմանը, ներառյալ՝ Հարթակից օգտվելու հետ կապված դրանց հավաքագրմանը, օգտագործմանը և բացահայտմանը՝ սույն Քաղաքականության համաձայն: Դուք տալիս եք նշված համաձայնությունը թե՛ Ձեր անձնական տվյալների մասով, թե՛ վերաբերելի դեպքերում Երեխայի՝ որպես Երեխայի օրինական ներկայացուցիչ։

Դուք պարտավոր չեք համաձայնել սույն Քաղաքականությանը և դրա համաձայն անձնական տվյալների տրամադրմանը և մշակմանը: Այնուամենայնիվ,միայն համաձայնելով սույն Քաղաքականությանը և տրամադրելով որոշակի անձնական տվյալներ և համաձայնելով դրանց մշակմանը՝ Դուք կկարողանաք օգտվել Հարթակից:

Խնդրում ենք ուշադիր ընթերցել սույն Քաղաքականությունը։ Խնդրում ենք չգրանցվել, մուտք չգործել Հարթակ կամ չսկսել օգտվել Հարթակից, եթե չեք կարդացել սույն Քաղաքականությունը կամ համաձայն չեք դրա որևէ մասի հետ:

Թարմացումներ և փոփոխություններ

Ընկերությունը պահպանում է ցանկացած ժամանակ իր հայեցողությամբ սույն Քաղաքականության ցանկացած դրույթ թարմացնելու, փոփոխելու և ձևափոխելու իր իրավունքը: Ձեզ այդ մասին լրացուցիչ կծանուցվի փոփոխությունների ուժի մեջ մտնելուց հինգ օր առաջ Հարթակի կամ էլ․ փոստի միջոցով։ Այդ փոփոխություններն ուժի մեջ կմտնեն Հարթակում դրանց տեղադրման օրվանից հինգ օր անց։ Եթե Դուք շարունակեք օգտվել Հարթակից թարմացումների, փոփոխությունների և ձևափոխումների ուժի մեջ մտնելու ամսաթվից հետո, Դուք դրանով բացահայտորեն և անհետկանչելիորեն համաձայնում և ընդունում եք թարմացումները, փոփոխությունները և ձևափոխումները։

Եթե որևէ պահի Դուք չեք համաձայնում այդ պահին գործող Գաղտնիության Քաղաքականությանը կամ դրա որևէ մասին, Հարթակից օգտվելու Ձեր լիցենզիան անմիջապես կդադարեցվի, և Դուք պարտավոր եք անհապաղ դադարեցնել Հարթակից օգտվելը։

Տվյալների հավաքումը և օգտագործումը

Հարթակից Ձեր օգտվելու հետ կապված՝ Դուք Մեզ տրամադրում եք որոշակի անձնական տվյալներ Ձեր մասին, ինչպես նկարագրված է ստորև:

Ձեր կողմից Մեզ տրամադրվում է Աշխատողի անունը, ազգանունը, հասցեն, էլեկտրոնային փոստի հասցեն, հեռախոսահամարը, ծննդյան ամսաթիվը, սեռը, Ծնողի ամբողջական անուն, սեռ, բնակության վայրի հասցե, էլ. փոստի հասցե, հեռախոսահամար, ծննդյան ամսաթիվ, աշխատանքի վայր, Երեխայի ամբողջական անուն, հայրանուն, մայրանուն, սեռ, ծննդյան ամսաթիվ, ինչպես նաև սննդային ալերգիաների, առողջական խնդիրների, խառնվածքի, զարգացման ընթացքի վերաբերյալ տվյալներ: Նշված տվյալները տրամադրվում են գրանցման, նույնականացման, կոնտակտային և Հարթակի արդյունավետ օգտագործման նպատակներով:

Ոչ պարտադիր տվյալներ. Դուք կարող եք Մեզ տրամադրել լրացուցիչ տվյալներ։ Օրինակ՝ Դուք կարող եք տրամադրել լրացուցիչ տեղեկություններ Ձեր Երեխայի մասին, ինչպիսիք են՝ առողջական խնդիրների մանրամասներ, նախընտրած սնունդ, փոխհարաբերություններ այլ երեխաների հետ, սիրելի խաղալիքներ, խնդրահարույց հատկություններ, նախկին նախադպրոցական հաստատություններ, պատվաստումներ: Նշված տվյալները տրամադրվում են Հարթակի արդյունավետ օգտագործման նպատակներով:

Դուք պարտավոր չեք Մեզ տրամադրել որևէ տվյալ, սակայն չտրամադրման դեպքում հնարավոր է, որ չկարողանանք Ձեզ հասանելի դարձնել Մեր Հարթակը:

Մենք հավաքում ենք ապանձնավորված տվյալներ Հարթակում Ձեր նշած կարգավորումների ու Ձեր գործողությունների վերաբերյալ: Մենք տեղեկություններ ենք հավաքում Հարթակ մուտք գործելու համար օգտագործվող ցանկացած սարքի մասին: Մենք օգտագործում ենք այս տեղեկությունը՝ վերլուծելու, թե ինչպես են օգտատերերն օգտվում Հարթակից՝ բարելավելու Մեր Հարթակի աշխատանքը, գործառույթները և մարքեթինգային ու վերլուծության նպատակներով:

Մենք նաև պահպանում ենք Հարթակում հասանելի զրուցարաններից (chat) խոսակցությունների տվյալները և կարող ենք մուտք գործել միայն այն դեպքում, երբ անհրաժեշտ լինի անսարքությունների վերացման և աջակցության համար: Մենք կարող ենք նաև մուտք գործել այդ տվյալներ հայցեր, պահանջներ ներկայացնելու կամ այլ իրավական գործողություններ կատարելու և դրանց պատասխանելու նպատակով:

Անձնական տվյալների օգտագործումը Մեր կողմից

Մենք օգտագործում ենք Հարթակի միջոցով հավաքագրված տվյալները Հարթակը հասանելի դարձնելու և բարելավելու, Ձեր հարցումներին լուծում տալու, խարդախությունները կանխելու, Ձեզ հետաքրքրող տեղեկություն տրամադրելու, օրենսդրության պահանջներին համապատասխանելու նպատակով և Ձեր համաձայնությամբ այլ նպատակներով թույլատրված լինելու դեպքերում:

Մենք օգտագործում ենք Մեր կողմից հավաքված տվյալները.

Հարթակը հասանելի դարձնելու և բարելավելու, Ձեր հարցումներին արձագանքելու, Ձեր գրանցումն իրականացնելու, Ձեր տրամադրած տեղեկության վավեր լինելը ստուգելու նպատակով, ինչպես նաև պահանջներին համապատասխանելու և ներքին բիզնես նպատակների համար:

Հարթակի միջոցով ադմինիստրատիվ հաղորդակցությունների և տեղեկագրերի և Ձեզ հետաքրքրող այլ տեղեկությունների վերաբերյալ Ձեզ հետ կապ հաստատելու համար:

Ղեկավարելու և զարգացնելու Մեր գործարար հարաբերությունները Ձեզ հետ և, կիրառելիության դեպքում, իրավաբանական անձի հետ, որը Դուք ներկայացնում եք:

Օրենքի պահանջները կիրարկելու և դրանց հետևելու համար, ներառյալ` հետաքննություն անցկացնելը, Ընկերության կամ երրորդ անձանց գույքն ու իրավունքները պաշտպանելը, հասարակության կամ որևէ անձի անվտանգությունը պաշտպանելը, այն գործունեության կանխումը կամ դադարեցումը, որը Մենք համարենք, որ անօրինական է, խարդախ կամ ոչ էթիկական կամ նման գործողություն համարվելու վտանգ է ստեղծում:

Կատարելու Մեր պայմանագրային պարտականությունները: Մեր կողմից անձնական տվյալների մշակման մեծ մասն ուղղված է մեր պայմանագրային պարտականությունների կատարմանը:

Մեր Հարթակը հասանելի դարձնելու, անվտանգության միջադեպերը բացահայտելու, վնասակար, մոլորեցնող, խարդախ կամ անօրինական գործողություններից պաշտպանելու և այդ գործունեության համար պատասխանատու անձանց պատասխանատվության ենթարկելու, Մեր Հարթակի նկատմամբ հետաքրքրության և ներգրավվածության չափը գնահատելու նպատակով, կարճաժամկետ, ժամանակավոր օգտագործման համար, Մեր Հարթակը բարելավելու, արդիականացնելու կամ կատարելագործելու, նոր ապրանքներ և ծառայություններ մշակելու, որակի ներքին հսկողություն և անվտանգություն ապահովելու, անձանց նույնականացման, վրիպազերծելու նպատակով՝ Մեր Հարթակի հետ կապված սխալները հայտնաբերելու և վերացնելու համար, Մեր համաձայնագրերն ու քաղաքականությունները կիրարկելու, Մեր բիզնեսի բարելավման ու վերլուծություններ կատարելու նպատակով, հաղորդակցության նպատակով, ներառյալ` մարքեթինգը և Մեր Հարթակի վերաբերյալ Ձեր հարցումներին պատասխանելը, տեղեկատվական անվտանգության կարիքների բավարարման և Մեր օգտատերերի, Ընկերության և այլոց պաշտպանման, իրավական խնդիրներ լուծելու, կիրառելի օրենսդրության պահանջներին հետևելու և Մեր իրավական պարտավորությունները կատարելու, հայցեր, պահանջներ ներկայացնելու կամ այլ իրավական գործողություններ կատարելու, ինչպես նաև դրանց պատասխանելու նպատակով։

Եթե Դուք Աշխատող եք, Մենք մշակում ենք Ձեր անձնական տվյալները ՀՀ Աշխատանքային օրենսգրքի 132-րդ հոդվածով սահմանված նպատակներով:

Ձեր տվյալների բացահայտումը երրորդ անձանց

Խմբավարը հասանելիություն ունի իր խմբում ներառված Երեխաների տվյալներին: Ծնողը հասանելիություն ունի իր Երեխաների և նրանց խմբավարների տվյալներին, ինչպես նաև այլ Ծնողի համաձայնության առկայության դեպքում կարող է նաև հասանելիություն ունենալ այդ Ծնողի տվյալներին և նրա Երեխայի անվանն ու ազգանվանը: Նշված տվյալների բացահայտումը տեղի է ունենում Հարթակի արդյունավետ օգտագործման նպատակով:

Մեր, ինչպես նաև մանկապարտեզի աշխատողներին հասանելի են Ձեր անձնական տվյալները այնքանով, որքանով դա անհրաժեշտ է իրենց աշխատանքային պարտականությունները կատարելու համար, ինչպիսին է օրինակ` տեխնիկական աջակցությունը: Բոլոր դեպքերում տվյալների հասանելիությունը տրամադրվում է այն աշխատողներին, որոնք դրա կարիքն ունեն վերոնշյալ նպատակով:

Գործընկերներ․ Մենք աշխատում ենք երրորդ անձանց հետ, որոնք տրամադրում են խորհրդատվական, աջակցման, տեխնիկական և այլ ծառայություններ՝ Հարթակի շուրջ հաճախորդամետ լուծումներ մատուցելու և իրականացնելու նպատակով: Մենք կարող ենք փոխանցել Ձեր տվյալները այս երրորդ անձանց՝ կապված նրանց կողմից մատուցվող ծառայությունների հետ: Թեև նման երրորդ անձինք կարող են հասանելիություն ունենալ Ձեր անձնական տվյալներին՝ Ընկերության համար ծառայությունների մատուցման կապակցությամբ, նրանք չեն կարող օգտագործել այդ տվյալները ծառայությունները մատուցելուց բացի որևէ այլ նպատակով։

Ներպետական կամ միջազգային օրեսնդրությամբ, այլ կարգավորումով կամ դատարանի որոշմամբ Մեզ կարող են պարտավորեցնել կամ Մեզնից կարող են հայցել բացահայտել և փոխանցել Ձեր տվյալները, ներառյալ` անձնական տվյալները, պետական մարմիններին և (կամ) դատարաններին:

Տվյալների պահպանումը

Անվտանգ և ապահով պահպանումն ապահովելու նպատակով Հարթակի միջոցով հավաքված ամբողջ տեղեկությունը կպահպանվի Ամերիկայի Միացյալ Նահանգներում տեղակայված երրորդ անձի ամպային սերվերներում (cloud servers):

Տվյալների մշակման ժամկետը

Ձեր տվյալները, ներառյալ` անձնական տվյալները, կարող են հավաքվել, պահպանվել, վերլուծվել, փոփոխվել, բացահայտվել կամ այլ կերպ մշակվել Մեր կողմից՝ առանց ժամանակային սահմանափակման, մշտապես և կանոնավոր կերպով, բացառությամբ եթե Դուք պահանջեք ջնջել Ձեր տվյալները, որոնք ամբողջովին կջնջվեն իննսուն օր արխիվացումից հետո և որը կարելի է անել՝ գրելով support@baleek.am հասցեին: Ընդ որում, այդ դեպքում Մենք կդադարեցնենք մշակման վերոնշյալ ձևերը, բացառությամբ այն դեպքերի, երբ Մենք իրավական պարտավորություն ունենանք պահպանելու արխիվային փաստաթղթերը կամ երբ դրանցից որոշների պահպանման անհրաժեշտություն լինի` ելնելով օրինական նպատակներից կամ այլ պահանջներին հետևելու նպատակով, ինչպես նաև բացառությամբ այլ արխիվային փաստաթղթերի, որոնք անհրաժեշտ են հայցեր, պահանջներ ներկայացնելու կամ այլ իրավական գործողություններ կատարելու և դրանց պատասխանելու համար:

Անվտանգությունը և օրենսդրությանը համապատասխանությունը

Ձեր անձնական տվյալները և այլ տվյալները կարող են հասանելի լինել և վերահսկվել ըստ անհրաժեշտության՝ մուտքը դեպի Հարթակ և դրանից օգտվելն ապահովելու համար և կարող են բացահայտվել՝ (i) եթե Մենք բարեխղճորեն կարծում ենք, որ Մենք պարտավոր ենք բացահայտել տվյալները ի պատասխան որևէ իրավական գործընթացի (օրինակ՝ դատարանի վճռի), (ii) բավարարելու որևէ կիրառելի օրենքների կամ կարգավորումների պահանջները, (iii) եթե Մենք կարծում ենք, որ Հարթակն օգտագործվում է անօրինական գործունեություն իրականացնելու համար, ներառյալ՝ հայտնելու այդպիսի գործունեության մասին կամ խարդախության կանխարգելման նպատակով այլ կողմերի հետ տվյալներ փոխանակելու համար, (iv) եթե Մենք բարեխղճորեն կարծում ենք, որ առկա է արտակարգ իրավիճակ, որը սպառնում է Ձեր, մեկ այլ անձի կամ ընդհանրապես հանրության առողջությանը և (կամ) անվտանգությանը, և (v) Ընկերության իրավունքները կամ սեփականությունը պաշտպանելու, ներառյալ՝ Հարթակից Օգտվելու Պայմանները կիրարկելու համար։

Տվյալների պաշտպանությունը

Մենք իրականացնում ենք համապատասխան տեխնիկական և կազմակերպչական միջոցառումներ՝ անվտանգության համապատասխան մակարդակ ապահովելու նպատակով: Այնուամենայնիվ, ոչ մի համացանցային փոխանցում կամ էլեկտրոնային եղանակով պահպանման մեթոդ լիովին ապահով չէ: Այսպիսով, Մենք ձգտում ենք պաշտպանել Ձեր անձնական տվյալները, այնուամենայնիվ Մենք չենք կարող և չենք երաշխավորում Ձեր կողմից Մեզ փոխանցվող տեղեկատվության անվտանգությունը: Ցանկացած փոխանցում կատարվում է Ձեր սեփական ռիսկով:

Ծանոթացում Ձեր տվյալներին, դրանց փոփոխում, ջնջում և մշակման սահմանափակում

Դուք կարող եք ինքնուրույն փոփոխել Ձեր պրոֆիլի տվյալները:
Խնդրում ենք նկատի ունենալ, որ որոշ տվյալների ջնջումը կարող է Ձեզ համար հանգեցնել Հարթակի որոշակի գործառույթներից օգտվելու անհնարինության:

Հարթակից օգտվելիս ցանկացած ժամանակ Դուք իրավունք ունեք Մեզնից պահանջել և ստանալ հաստատում Ձեր անձնական տվյալների մշակման փաստի վերաբերյալ, ինչպես նաև տեղեկություններ և մանրամասներ այդ մշակման վերաբերյալ և խնդրել, որ հնարավորության դեպքում հասանելիություն ունենաք Ձեր տվյալներին։ Հասանելիություն ունենալու նման իրավունքը կարող է իրացվել անձնական տվյալների պաշտպանության մասին կիրառելի օրենքի համաձայն։ Խնդրում ենք համապատասխան հարցումները ներկայացնել support@baleek.am հասցեին:

Դուք իրավունք ունեք պահանջելու վերանայել, փոխել կամ ուղղել Ձեր մասին Ընկերության ունեցած տեղեկությունը, եթե կարծում եք, որ տեղեկությունը, ներառյալ՝ անձնական տվյալները, սխալ են, թերի, ապակողմնորոշիչ, կարող են վնաս պատճառել կամ որևէ կերպ չեն համապատասխանում իրականությանը կամ այլ ողջամիտ պատճառներով։ Խնդրում ենք համապատասխան հարցումները ներկայացնել support@baleek.am հասցեին։

Մոռացված լինելու իրավունք. Օգտատերերն իրավունք ունեն Մեզնից պահանջելու ջնջել իրենց անձնական տվյալները կամ օգտահաշիվն ամբողջությամբ, ինչպես նաև իրավունք ունեն պահանջելու սահմանափակել իրենց անձնական տվյալների մշակումը՝ հաշվի առնելով սույն Քաղաքականության «Տվյալների մշակման ժամկետը» բաժինը։ Անձնական տվյալների ջնջումը և մշակման սահմանափակումները պետք է իրականացվեն անձնական տվյալների պաշտպանության մասին կիրառելի օրենքին համապատասխան: Խնդրում ենք համապատասխան հարցումները ներկայացնել support@baleek.am հասցեին:

Մենք կփորձենք ողջամիտ ժամկետում բավարարել Ձեր ցանկացած հարցում` միևնույն ժամանակ հաշվի առնելով սույն Քաղաքականության «Տվյալների մշակման ժամկետը» բաժնում նշվածը:

Բողոքներ և կիրառելի օրենսդրություն

Սույն Քաղաքականությունը և դրանից բխող կամ դրա հետ կապված ցանկացած հարաբերություն կարգավորվում է Հայաստանի Հանրապետության օրենսդրությամբ:

Եթե ունենաք որևէ խնդիր Մեր կողմից Ձեր տվյալների, ներառյալ անձնական տվյալների, մշակման հետ կապված, պետք է գրավոր հասցեագրեք Մեզ, և տվյալ խնդիրը պետք է լուծվի բանակցությունների միջոցով: Վեճերը բանակցությունների միջոցով 30 օրվա ընթացքում լուծելու ձախողման դեպքում Դուք իրավունք ունեք նման հարցերով դիմել վերահսկող մարմնին։

Կոնտակտային տեղեկություն

Սույն Քաղաքականության կամ Ձեր տվյալների մշակման վերաբերյալ հարցերի առկայության կամ Հարթակից օգտվելու վերաբերյալ աջակցության կարիք ունենալու պարագայում, խնդրում ենք կապ հաստատել Մեզ հետ էլ․ փոստի միջոցով հետևյալ հասցեով՝ support@baleek.am